MARINELA

   Bapatean egun hartan bere mezu harrigarria jaso egin nuen. Dardara hotz batek burutik bietseraino ene gorpu osoa zeharkatu zuen. Ulertu nuenez, nirekin harreman elektroniko guztiak ebasteko eskatzen zidan. Denbora labur batez gu bion arteko komunikazio era honekin moztea erabaki zuela eta mesedez hala egitea Ia agindu zidan. 

   Guztiz bertan behera uztea lotura xume, garbi ta erosoa ez zitzaidan batere laket egin. Are gehiago une hartan pairatzen nuen egoera ezkorrari ez bait zion ezer lagunduko. Beno, dramatizazioa ez da nire tresnarik gustokoena. Onartutzat somatu zuen nire animoak gertatzen ari zen deskoneksio nahi basatia.

   Aginduak agindu, ondo zekien emakume hark bere eskakizunari men egingo niola. Norbaitek honelako proposamena luzatzen didanean, errespetu osoz baiezkoa jasotzen du, gutxienez ene esku balego.

   Bukatzeko aipatu aspaldian ipini zidan goitizena zeharo aldatu egin nahi zuela. Emakume irakasle honen laguntzailea nintzen hura orain marinela deitzea bururatu zitzaion.